අපගේ වටිනාම සම්පත මෙන්ම ශක්තියේ කොඳු නාරටිය වන්නේ HDFC කණ්ඩායමයි. ඔවුන්ගේ උන්නතිය හා අරමුණු සාක්ෂාත් කර ගැනීම වෙනුවෙන් ඔවුන්ට සහාය වීමට අපි නිරන්තරයෙන් කැපවී සිටිමු.
කාර්ය මණ්ඩලය කෙරෙහි වැඩි අවධානයක් යොමු කරන ආයතනයක් ලෙස අපගේ අරමුණ වන්නේ වර්තමාන හා අනාගත අවශ්‍යතා සපුරාලීම වෙනුවෙන් අපගේ කාර්ය මණ්ඩල හැකියාවන් සෑම අංශයක් තුළින්ම පෝෂණය කිරීම හා සංවර්ධනය කිරීමයි. නිරන්තරයෙන් සැමට සමාන අවස්ථාවන් උදා කර දීමට කටයුතු කරන අතර සංවේදී නායකයන් බවට පත් කිරීම උදෙසා HDFC කණ්ඩායම පුහුණු කිරීමට කටයුතු කරමු. බැංකුකරණය තුළ ඔබේ වෘත්තීය සංවර්ධනයට මෙන්ම අපගේ ජාතියේ සංවර්ධනයට දායක වීමටද  HDFC හිදී ඔබට අවස්ථාව සැලසේ. ඔබගේ පළමු රැකියාව ලෙස වුව HDFC සමඟ එක්වීමට අදහස් කරන්නේ නම් ඔබේ අනාගත බලාපොරොත්තු මුදුන් පමුණුවා ගැනීම වෙනුවෙන් බොහෝ මාර්ග විවර කර දීමට අපි පොරොන්දු වෙමු.
 

බැංකුවේ උපාය මාර්ගික අරමුණු හා මෙහෙයුම් ඉලක්කයන් එදිනෙදා බැංකු මෙහෙයුම් සමඟ සම්බන්ධ කරන ප්‍රමුඛ සාධකය වන්නේ අපගේ බැංකු කණ්ඩායමයි. ඔවුන් සතු දැනුම, පළපුරුද්ද,හැකියාවන් හා නව්‍ය අදහස් බැංකුව විසින් ලබා දෙන සියලු සේවාවන්ට නව අරුතක් එක් කරනු නිසැකය. බැංකුව සිය කාර්ය මණ්ඩලයේ ජීවිත නඟා සිටුවීම හා ඔවුන්ගේ අපේක්ෂාවන් මල්ඵල ගැන්වීමට සුවිසල් කාර්ය භාරයක් ඉටු කරනු ලබයි.